Chaudhary Chhoturam par murder ka aarop

Deenbandhu sir chaudhary Chhoturam ki najron me apni jati ko aarthik, samajik drishti se uncha uthane ke liye rajnitik sakta pata lena bahut badi shakti thi. 

Wo sathaniya rajniti me bhi dilchaspi rakhte the. Un dono jila board sathaniya rajniti ka kendra hua karti thi.

Isliye jab bhi Kabhi iske chunav ki ghoshana ho jati thi to chaaro taraf badi bhari sargarmi paida ho jaya karti thi, lekin har kisi me itna saahas nahi hota tha ki wah chunav me kud sake.

Un dono jamindar, safedposh, lambardar samajik drishti se uncha hua karte the ji har avsar par mauka maar liya karte the. 

Isi tarah ek mashoor vyakti ray Bahadur chaudhary nihaal Singh jiledar tha, jo hameshaa Sarkar ki kathputli ki tarah kaam karta tha.

Chaudhary Chhoturam ne bhi apne ummidwar ke roop me chaudhary devi Singh ko khada kar diya. 

Asthal Bohar mathh ke mehant purnnath ne nihaal Singh jiledar ki ummdiwari ko samrthan kar diya jiske karan is chunav ne gambhir roop le liya. 

 Halanki yah chunav chaudhary devi Singh ne jeet liya, aur isse chaudhary Chhoturam ka samman gramin janta me bahut badh gaya tha. 

Durbhagy se 1921 me huye ek pariwarik jhagde me jiledar nihaal Singh ki hatya kar di gayi.

Ab mehant purnnath ne chunav me hui baar ka badla lene ke liye FIR me chaudhary Chhoturam aur chaudhary Lalchand ka naam likhaa diya.

Yahi nahi, superintendents aur depti commissioner dono hi in Jat netao se ranjish rakhte the, kyonki chaudhary Chhoturam ne apne akhbar Jat guzzutte me thagi ke Bazaar ki sair

Lekh me jila prashasan ke bhrshtachar ke khilaf likhaa tha.

Ab in afasro ne in dono netao ko fasaane ki yojna bna ki thi. Waise chaudhary Chhoturam aur chaudhary Lalchand ne girftari se pehle jamanat dene wale 2 vyaktiyo ka intezam kar liya tha, lekin jo log jamanat dene ke liye taiyaar ho gaye the wo afsaro dwara preshan liye Jane ke dar se piche hat gaye the.

Isi bich jila Rohtak ke prabhavshali logo ka ek deputation Ambala division ke Commissioner se milaa aur usne un dono dono angrez afsaro ke pkshapaatpurn aur badla lene ki pravritti ki shikayat ki.